«Milliy PR-markazi» direktori Toshkent viloyati hokimiga o‘rinbosar bo‘ldi

Toshkent viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari tayinlandi. Bu haqda viloyat hokimligi xabar berdi.

Qayd etilishicha, Jamshid Bobojonov Toshkent viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari lavozimida ish boshladi.

Jamshid Bobojonov 1980 yil Toshkent shahrida tug‘ilgan. Ma'lumoti – oliy, 2007 yilda O‘zbekiston milliy universitetini tamomlagan. 

U lavozimga tayinlangunga qadar “Milliy PR-markazi” DUK direktori sifatida ishlab kelayotgan edi.

Bundan oldin, Andijon viloyati hokimiga ham o‘rinbosar tayinlangandi.