Turkiyaning F-35 dasturidan chiqarib yuborilishiga Rossiyaning S-400 zenit-raketa tizimining sotib olinishi sabab bo‘lgandi.
Turkiya AQSh mudofaa departamentidan F-35 qiruvchi samolyotlarini yetkazib berish borasida maktub oldi, deb xabar berdi Anadolu agentligi.
«Biz hech bir mamlakat F-35 dasturidan bir tomonlama tartibda chiqarib yuborilmasligini bildirgandik. Va AQShning maktubi haqligimizni isbotladi. F-35 muammosini hal qilish bo‘yicha AQSh bilan muloqot boshlanadi», — dedi Turkiya mudofaa sanoati boshqarmasi boshlig‘i Ismoil Demir.
Turkiyaning F-35 dasturidan chiqarib yuborilishiga Rossiyaning S-400 zenit-raketa tizimining sotib olinishi sabab bo‘lgandi. Turkiya dastur ishtirokchisi sifatida 100 dona F-35 samolyoti olishi va ular uchun butlovchi qismlar ishlab chiqarishi lozim edi.
Turkiya va AQSh o‘rtasidagi munosabatlar 2019 yil iyulda keskinlashgan va Qo‘shma Shtatlar Turkiyaga nisbatan sanksiyalar joriy etgandi.
