22:08 / 08.05.2021
34870

Ozarboyjon Tog‘li Qorabog‘ nizosida halok bo‘lgan harbiylar sonini ma'lum qildi

Qayd etilishicha, bedarak yo‘qolgan deb hisoblanayotgan harbiylarni qidirib topish va shaxsini aniqlash bo‘yicha ishlar olib borilmoqda.

Foto: Asatur Yesayans

O‘tgan yil kuzda Tog‘li Qorabog‘da yuz bergan jangovar harakatlar davomida 2895 nafar ozarboyjonlik harbiy halok bo‘lgan, 19 nafari bedarak yo‘qolgan. Bu haqda Ozarboyjon mudofaa vazirligi ma'lum qildi.

«Vatan urushida shahid bo‘lgan 2895 nafar va bedarak yo‘qolgan deb hisoblanuvchi 19 nafar harbiy xizmatchining fotosurati, ism-sharifi, harbiy unvoni va tug‘ilgan sanasi haqidagi ma'lumotlarni taqdim etamiz», — deyiladi mudofaa vazirligi xabarida.

Qayd etilishicha, bedarak yo‘qolgan deb hisoblanayotgan harbiylarni qidirib topish va shaxsini aniqlash bo‘yicha ishlar olib borilmoqda.

Ma'lumotlarga ko‘ra, Armaniston ushbu nizoda 3,5 mingga yaqin kishini yo‘qotgan. Tog‘li Qorabog‘ning yo‘qotishlari 2 mingga yaqin deb hisoblanmoqda.

Mavzu
Qorabog‘ urushi
12 iyul kuni Ozarboyjon shimoli-g‘arbidagi Tovuz viloyati hududida ikki davlat qo‘shinlari o‘rtasida to‘qnashuv sodir bo‘ldi.
Barchasi
Mavzuga oid
Top