16:02 / 10.05.2021
6775
Толиблар Рамазон ҳайити муносабати билан уч кунлик сулҳ эълон қилди

Афғонистонда тинчликка эришиш бўйича олий кенгаш раиси Абдулла Абдулла мамлакатда доимий равишда ўт очишни тўхтатиш режими ўрнатилиши зарурлигини қайд этди.

Фото: AP Photo / Rahmat Gul

"Толибон" ҳаракати Рамазон ҳайити муносабати билан Афғонистонда жанговар ҳаракатлар олиб боришни уч кунга тўхтатиб туришини эълон қилди.

Хабар қилинишича, "Толибон" қўмондонлиги ана шундай буйруқ чиқарган.

Бунга жавобан Афғонистонда тинчликка эришиш бўйича олий кенгаш раиси Абдулла Абдулла мамлакатда доимий равишда ўт очишни тўхтатиш режими ўрнатилиши зарурлигини қайд этди.

Толиблар ўтган ҳафтада Ғилминд вилояти маркази бўлган Лашкаргоҳ шаҳри яқинида ҳужум амалиётини бошлаганди. 

Жанг ҳаракатлари АҚШ ва НАТО кучлари Афғонистондан ўз қўшинларини олиб чиқиб кетишни бошлаши фонида юз берди.

Top