16:55 / 11.05.2021
9547
АҚШ кемаси Эрон кемаларига огоҳлантирувчи ўқ узди

Маълумот берилишича, АҚШ кемалари бир ой ичида иккинчи марта Эрон кемаларига огоҳлантирувчи ўқ узмоқда.

Фото: Global Look Press/US Navy

АҚШ соҳил қўриқлаш кемаси Ҳурмуз бўғозида Эрон ҳарбий-денгиз флотининг 13та кемаси АҚШ ҳарбий-денгиз кучлари кемаларига яқинлашганидан сўнг 30 мартага яқин огоҳлантирувчи ўқ узди.

Пентагон вакили Жон Кербининг айтишича, Эрон тезюрар катерлари АҚШнинг олти ҳарбий кемасига 140 метр масофагача яқинлашганидан сўнг огоҳлантирувчи ўқлар узилган.

Маълумот берилишича, АҚШ кемалари бир ой ичида иккинчи марта Эрон кемаларига огоҳлантирувчи ўқ узмоқда.

Апрелда Америка ҳарбий кемаси Эроннинг учта кемаси унга яқинлашганидан сўнг огоҳлантирувчи ўқ узганди.

Ҳурмуз бўғози Форс кўрфазини Ҳинд океани, Эрон, БАА ва Уммон билан боғлайди. У жаҳон савдоси учун муҳим аҳамиятга эга.

Top