18 may kuni O‘zbekiston hududiga issiq havo kirib kelishi davom etadi 

18 mayda kunduz kuni O‘zbekiston hududiga Eron hududlaridan issiq havo kirib kelishi davom etadi. Respublika bo‘yicha havo kam bulutli bo‘ladi, yog‘ingarchilik kutilmaydi. Shamol 7-12 m/s tezlikda esadi. Havo harorati 32-35 daraja issiqni tashkil etadi, janubda va cho‘l hududlarida 38 daraja issiqqacha bo‘ladi.

Poytaxtda quruq va issiq ob-havo saqlanib turadi. Harorat 32-34 daraja issiqqacha ko‘tariladi.

Respublikaning tog‘li hududlarida havo biroz bulutli bo‘ladi, ba'zi joylarda o‘zgarib turadi, qisqa muddatli yomg‘ir yog‘ishi, momaqaldiroq bo‘lishi mumkin. Harorat 20-25 daraja issiq bo‘ladi.

Kutilayotgan yomg‘irlar hisobiga respublikaning tog‘oldi va tog‘li hududlarida sel kelishi xavfi bor.