Kolumbiya g‘arbidagi tartibsizliklar natijasida kamida 10 kishi halok bo‘ldi

Kolumbiya g‘arbida o‘tkazilgan norozilik aksiyalari vaqtida sodir bo‘lgan tartibsizliklar oqibatida kamida 10 kishi halok bo‘ldi. Bu haqda Efe Eme radiostansiyasi xabar berdi.

Radiostansiyaning ma'lumot berishicha, Kali shahridagi tartibsizliklar butun kun mobaynida davom etgan. Qayd etilishicha, shaharning turli rayonlarida kamida 10 kishi halok bo‘lgan. Bundan tashqari, ko‘plab talonchilik holatlari sodir etilgan.

Kolumbiya prezidenti Ivan Duke Kali politsiyasiga tartibni tiklashda yordam berish uchun shaharga qo‘shimcha qo‘shin jo‘natishga buyruq berdi.

Kolumbiyada 28 apreldan buyon soliq islohotiga qarshi norozilik namoyishlari o‘tkazilmoqda. Bogote, Kali, Medelin va boshqa shaharlarda tartibsizliklar yuz bergan. Ma'lumotlarga ko‘ra, 2,2 mingdan ortiq kishi jarohatlangan, 43 kishi halok bo‘lgan.

Keyinchalik hukumat islohot rejalariga o‘zgartirishlar kiritishga rozi bo‘ldi, ammo norozilik namoyishlari to‘xtamadi.