Navoiy viloyatida joriy yilda yo‘l-transport hodisalari va ular bilan bog‘liq o‘lim holatlari soni oshgan

Navoiy viloyatida joriy yilda o‘tgan yilning shu davriga nisbatan yo‘l-transport hodisalari va ular bilan bog‘liq o‘lim holatlari ko‘paygan. Bu haqda viloyat IIB YHXB xabar bermoqda.

Ma'lum qilinishicha, Navoiy viloyatida joriy yilda o‘tgan yilning shu davriga nisbatan yo‘l-transport hodisalarining soni sezilarli oshgan.

Jumladan, o‘tgan yilning shu davrida 64ta yo‘l-transport hodisasi ro‘y bergan bo‘lsa, bu yil ularning soni 74tani tashkil etgan.

Jarohatlanganlar soni: 2020 yilda 53 nafar, 2021 yilda 57 nafar bo‘lgan.

Vafot etganlar soni: 2020 yilda 22 nafar, 2021 yilda 27 nafarga oshgan.

Yo‘l-transport hodisalarining sabablari o‘rganilganda, ular:

• tezlikni oshirish,
• transport vositasini mast holda boshqarish,
• charchoq tufayli boshqaruv paytida uxlab qolish,
• qarama-qarshi yo‘nalishga chiqib ketish,
• piyodalarga yo‘l bermaslik,
• svetofor ishoralariga bo‘ysunmaslik,
• piyodalarning yo‘l harakati qoidalarini buzishi oqibatida yuz bergan.