Behzod Musayev: Surxondaryoda bitta oliy ta'lim maskani bor edi, hozir oltitaga yetdi

“Bir necha yil oldin maktabgacha ta'lim bilan qamrab olish deyarli yo‘qolib ketgandi, desak to‘g‘ri bo‘ladi. Bor yo‘g‘i 13 foiz edi. 4-5 yil avval Surxondaryoda bitta oliy ta'lim maskani – Termiz davlat universiteti bor edi, hozir oltitaga yetdi. Talabalar soni 10 mingga yetmasdi, hozir 36 mingga yetdi. Talabalarni yotoqxona bilan ta'minlashni 6 mingga yetkazdik. 

Ruxsat bersangiz, bir taklifimiz bor edi. Surxondaryo uchun manzilli grantlar hajmini oshirsak. Bular 20 ta o‘rin so‘rashyapti, biz shu ko‘rsatkichni 40 taga oshirdik”, – dedi Behzod Musayev.

“Ellikta o‘rin ajrataman. Barcha hisob-kitoblarni qilib, takliflarni beringlar. Bu o‘rinlar faqat Surxondaryo uchun ajratilsin”, – dedi prezident.