Pokiston mamlakat hududidagi harbiy bazalar AQShga berilmasligini bildirdi
2021 yil 1 maydan Qo‘shma Shtatlar rasmiy ravishda Afg‘onistondan o‘z qo‘shinlarini olib chiqishni boshladi.
Pokiston mamlakat hududidagi harbiy bazalarini AQShga taqdim etmaydi. Bu haqda Pokiston tashqi ishlar vaziri Shoh Mahmud Qurayshiy ma'lum qildi.
"Ularga bazalar taqdim etilishi to‘g‘risida gap ham bo‘lishi mumkin emas. Biz o‘z manfaatlarimizni hisobga olishimiz kerak", dedi u Vashington va Islomobod Amerika maxsus kuchlariga harbiy bazalarni berish bo‘yicha muzokara o‘tkazayotganligi to‘g‘risida The New York Times gazetasi bergan xabarni izohlarkan.
Avvalroq, Amerikaning Wall Street Journal va The New York Times nashrlarida AQSh va NATO qo‘shinlari Afg‘onistondan olib chiqib ketilishi yoki ular sonining keskin qisqartirilishi munosabati bilan mintaqada kelgusidagi harbiy amaliyotlarni o‘tkazish huquqini olish maqsadida Pentagon rasmiylari Tojikiston, O‘zbekiston va Qozog‘iston bilan muzokaralar olib borayotgani haqida xabarlar tarqalgandi.
2021 yil 1 maydan Qo‘shma Shtatlar rasmiy ravishda Afg‘onistondan o‘z qo‘shinlarini olib chiqishni boshladi. Jo Baydenning yangi ma'muriyati AQSh va NATOning Afg‘oniston zaminidagi harbiy ishtirokini 11 sentyabrga qadar tugatishni rejalashtirgan.
Mavzuga oid
18:45 / 20.10.2024
Mask AQSh prezidentlik sayloviga qadar kuniga 1 mln dollarlik lotereyani e’lon qildi
14:21 / 20.10.2024
AQShga qochgan diplomat: okean ortidan siyosiy boshpana so‘ragan sovet amaldori
22:30 / 19.10.2024
AQSh Ukrainani NATOga taklif qilishga tayyor - OAV
22:01 / 18.10.2024