14 iyun kuni respublika bo‘yicha kam bulutli ob-havo saqlanib turadi

14 iyunda kunduz kuni respublika bo‘yicha kam bulutli ob-havo saqlanib turadi, yog‘ingarchilik kutilmaydi, faqat kunning ikkinchi yarmida Andijon, Namangan, Farg‘ona viloyatlarida qisqa muddatli yomg‘ir yog‘ishi, momaqaldiroq bo‘lishi mumkin. Shamol ba'zi joylarda changli bo‘ron bilan 17-22 m/s gacha kuchayishi mumkin. Havo 31-36 daraja issiqqacha ko‘tariladi.

Poytaxtda yog‘ingarchilik kutilmaydi. Shamol 3-8 m/s tezlikda esadi, 10-12 m/s gacha kuchayishi mumkin. Havo harorati 32-34 daraja issiq bo‘ladi.

Respublikaning tog‘oldi va tog‘li hududlarida ba'zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Shamol ba'zi joylarda 17-22 m/s gacha kuchayishi mumkin. Havo harorati 20-25 daraja issiq bo‘ladi.

14 iyunda kutilayotgan mahalliy yomg‘irlar sababli Andijon, Namangan, Farg‘ona viloyatlarining tog‘oldi va tog‘li hududlarida sel kelishi xavfi mavjud.