Vengriya migrantlarni 2 yilgacha mamlakatga kiritmasligi mumkin

Vengriya bosh vaziri Viktor Orban immigratsiyani 2 yilgacha butkul to‘xtatishni taklif qildi. Uning fikricha koronavirus pandemiyasi davrida migratsiya nihoyatda xavfli va shuning uchun ham to‘xtatilishi kerak.

Orbanning so‘zlariga ko‘ra, “migratsiya tabiatan yomon narsa” va odamlar “Xudoning irodasiga ko‘ra” qayerda tug‘ilgan bo‘lsa, shunga shukr qilishi lozim.

Bosh vazir migratsiyaning 2 yillik taqiqi qanday qilib qonuniylashtirilishi haqida batafsil to‘xtalmadi.

Mamlakatning statistik ma'lumotlariga ko‘ra, Vengriya 2021 yil boshidan buyon qonuniy rezident maqomiga ega bo‘lgan 194 mingga yaqin chet ellikni qabul qildi, deb xabar beradi dpa. Axborot agentligining yozishicha, ushbu raqamga Yevropa Ittifoqining 57 mingdan ortiq fuqarosi, 32 mingga yaqin ukrainalik, 18 ming xitoylik va Osiyo mamlakatlaridan kelgan 35 ming fuqaro kiradi.