Isroilda bir sutkada koronavirus yuqtirish holatlari aniqlanishi bo‘yicha rekord qayd etildi

Isroilda so‘nggi sutkada koronavirus yuqtirish holatlari aniqlanishi bo‘yicha rekord qayd etildi – 307 kishida kasallik aniqlandi. Bu aprel oyidan buyon eng yuqori ko‘rsatkich hisoblanadi, deb yozadi The Times of Israel.

Isroil aholini emlash jarayoni tezlik bilan davom etayotgan mamlakatlardan biridir.

Ma'lumotlarga ko‘ra, mamlakat aholisining 55 foizdan ortig‘i to‘liq emlangan, 60 foizga yaqini vaksinaning kamida bir dozasini qabul qilgan.

Isroil sog‘liqni saqlash vazirligi kelgusi haftada kuniga 500-600tadan holat aniqlanishini kutmoqda.