AQShning Iroqdagi elchixonasiga dronlar yordamida hujum uyushtirildi

Dronlardan biri elchixona hududidagi harbiy obektga zarba bergan. Yetkazilgan zarar to‘g‘risida hozircha ma'lumot yo‘q.

AQShning Iroqdagi elchixonasiga bomba o‘rnatilgan dronlar yordamida hujum uyushtirildi. Shafaq News agentligining xabar berishicha, diplomatik vakolatxona xavfsizligini ta'minlaydigan havo hujumidan mudofaa tizimi dronlarga qarata o‘t ochgan.

Sabereen News portalining ta'kidlashicha, dronlardan biri elchixona hududidagi harbiy obektga zarba bergan. Yetkazilgan zarar to‘g‘risida hozircha ma'lumot yo‘q.

Avvalroq Al Hadath telekanali o‘z manbalariga tayanib Bag‘dod markazidagi «yashil hudud»ga raketa zarbalari berilgani to‘g‘risida xabar qilgandi.

Dushanba kuni xalqaro koalitsiyaning Anbar viloyatidagi Ayn-al-Asad harbiy bazasi o‘qqa tutilgandi.