Qashqadaryo viloyati hokimligi tasarrufidagi mol-mulklar va avtomobillar haqida ma'lumot berildi

Qashqadaryo viloyati hokimligi axborot xizmati tomonidan hokimlikka tegishli bo‘lgan mol-mulklar va avtomobillar haqida ma'lumot berildi.

Ma'lum qilinishicha, Qashqadaryo viloyati hokimligi ixtiyorida 15 ta avtomashina mavjud bo‘lib, ular xizmat va navbatchilik avtomashinalari hisoblanadi.

Qayd etilishicha, viloyat hokimligi tasarrufida Qarshi shahrida 4 va 5 qavatli ma'muriy binolar, avtosaroy, sog‘lomlashtirish markazi bor. Bundan tashqari, Muborak tumani markazida 2 xonali bitta turar joy va Qarshi tumani Chovqay massivida 8 ta xizmat uylari mavjud.

Ta'kidlanishicha, hokimlik balansida mulkdor (muassis, aksiyador, ishtirokchi) bo‘lgan davlat ishtirokidagi korxonalar mavjud emas.