Namanganda «Neksiya» urib yuborgan 7 yoshli bola vafot etdi

Namangan viloyati Mingbuloq tumanida «Neksiya» 7 yoshli bolani urib yuborgan. Oqibatda bola og‘ir tan jarohatlari olib, vafot etgan. Bu haqda viloyat IIB xabar bermoqda.

Ma'lum qilinishicha, 2021 yil 13 iyul kuni soat 15:45larda Mingbuloq tumani «Baliqchi-Mingbuloq-Pungon» yo‘lining 63-kilometrida odam o‘limi bilan bog‘liq yo‘l-transport hodisasi ro‘y bergan.

«Neksiya» mashinasini boshqarib ketayotgan haydovchi harakat xavfsizligini ta'minlay olmay, yo‘lni kesib o‘tayotgan, 2014 yilda tug‘ilgan piyodani urib yuborgan. Oqibatda 7 yoshli bola og‘ir tan jarohatlari olib, shifoxonada vafot etgan.

Qayd etilishicha, ushbu holat bo‘yicha Mingbuloq tuman IIB huzuridagi tergov bo‘limi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.