Toshkentda Cobalt to‘xtab turgan Lacetti bilan to‘qnashdi

Toshkent shahrining Olmazor tumanida Cobalt va Lacetti rusumli avtomobillar ishtirokida yo‘l-transport hodisasi sodir bo‘ldi. Dastlabki ma’lumotlarga ko‘ra, hodisaga haydovchining oraliq masofani saqlamagani sabab bo‘lgan.

Foto: YHXB matbuot xizmati

Toshkent shahar IIBB Yo‘l harakati xavfsizligi boshqarmasi ma’lum qilishicha, hodisa joriy yilning 17 iyun kuni soat 12:50 larda Olmazor tumanidagi Alisher Donish ko‘chasida sodir bo‘lgan.

Dastlabki ma’lumotlarga ko‘ra, 1991 yilda tug‘ilgan haydovchi boshqaruvidagi Cobalt avtomobili harakatlanib ketayotgan vaqtda xavfsiz oraliq masofani saqlamagan va yo‘lning o‘ng chetida to‘xtab turgan, 1976 yilda tug‘ilgan haydovchiga tegishli Lacetti avtomobili bilan to‘qnashgan.

Hozirda mazkur yo‘l-transport hodisasi yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.

YHXB barcha haydovchilarga murojaat qilib, o‘zlari va atrofdagilarning xavfsizligi uchun yo‘l harakati qoidalariga qat’iy rioya qilish, xususan, harakat vaqtida xavfsiz oraliq masofani saqlash muhimligini eslatdi.