19:06 / 23.07.2021
4020
Эроннинг икки вилоятида сув танқислиги сабаб норозилик намойишлари бошланди

Сув танқислиги қурғоқчилик оқибатида келиб чиққан. Намойишлар чоғида саккиз киши ҳалок бўлгани айтилмоқда.

Фото: Reuters

Эроннинг Луристон ва Ҳузистон вилоятларида сув танқислиги сабабли норозиликлар бўлиб ўтмоқда, деб хабар берди «Ал Жазира» телеканали Amnesty International маълумотларига асосланиб.

Сув танқислиги қурғоқчилик оқибатида келиб чиққан. Хабар қилинишича, намойишлар чоғида саккиз киши ҳалок бўлган.

«Amnesty  тасдиқлаган видеолавҳалар ва воқеа жойидан олинган маълумотларга кўра, хавфсизлик кучлари намойишчиларни тарқатиш учун автоматик қуроллар ва кўздан ёш оқизувчи газдан фойдаланган», — дейилади хабарда.

Human Rights Watch маълумотига қараганда, 15 июл куни Ҳузистон вилоятининг ўнлаб шаҳарларида сув танқислиги сабабли намойишлар бўлиб ўтган.

Top