20:56 / 30.07.2021
4328
ЖССТ «дельта» штамми 130дан ортиқ мамлакатда қайд этилганини маълум қилди

Қайд этилишича, «дельта» штамми билан боғлиқ ўлимлар даражаси юқори бўлиб турибди.

Фото: David W Cerny/Reuters

Коронавирус инфекциясининг «дельта» штамми 132 мамлакатда қайд этилди. Бу ҳақда Жаҳон соғлиқни сақлаш ташкилоти бош директори Тедрос Аданом Гебрейесус маълум қилди.

«COVID-19 касаллигини келтириб чиқарувчи вирус буткул ўзгариб кетди ва ўзгаришда давом этмоқда», — деб таъкидлади Гебрейесус.

Қайд этилишича, «дельта» штамми билан боғлиқ ўлимлар даражаси юқори бўлиб турибди.

«У «альфа» вариантига нисбатан янада юқумли. Лаборатор тадқиқотларга кўра, бу штамм тез тарқалади», — деди ЖССТ эксперти Мария ван Керкхове.

Гебрейесуснинг сўзларига кўра, SARS-CoV-2 мутацияга учрашда давом этмоқда, бу эса унинг янада хавфли кўринишлари пайдо бўлиши мумкинлигини англатади.

Top