Янги Ўзбекистон университети ўқув йўналишлари ва қабул квоталари тасдиқланди, деб хабар бермоқда Президент таълим муассасалари агентлиги матбуот хизмати.
Унга кўра, университетнинг ўқув йўналишлари ва қабул квотаси қуйидагича этиб белгиланган:
- Механика муҳандислиги (100 ўрин)
- Кимё муҳандислиги (100 ўрин)
- Дастурий таъминот муҳандислиги (100 ўрин)
Университетга кириш учун талабгорлардан қуйидаги ҳужжатлар сўралади:
– паспорт нусхаси (доимий прописка саҳифаси билан);
– умумий ўрта таълим (11-синф негизида) ёки ўрта махсус, касб-ҳунар таълими муассасасини тугатганлиги ҳақидаги ҳужжат;
– инглиз тилини билиш даражасини тасдиқловчи сертификат (энг камида IELTS 6.0 / TOEFL iBT 60 / Duo Lingo 95);
– Охирги уч ой ичида олинган фотосуратнинг электрон варианти.
Маълумот учун, Янги Ўзбекистон университетига қабул жорий йилнинг 15 август куни соат 18:00га қадар давом этади.
Аввалроқ, Президент таълим муассасалари агентлиги раҳбари Ҳилола Умарова университетда ўқиш учун айтилган контракт нархи (1 семестрда маҳаллий талабаларга 24 млн 850 минг сўм, хорижий талабаларга 5 минг доллар) тасдиқланмагани ва ҳисоб-китоб бўйича тўлов-контракт миқдори ундан ҳам қиммат бўлиши мумкинлигини билдирганди.
