Fransiyada koronavirusga qarshi kurashish bo‘yicha yangi choralar qabul qilindi

Fransiya konstitutsion kengashi pandemiyaga qarshi kurashish bo‘yicha yangi choralar to‘g‘risidagi qonunni qabul qildi, deb xabar berdi Le Figaro nashri.

Nashrning ma'lumot berishicha, kengash fransuzlarning qahvaxona, restoran va savdo markazlariga kirishda sanitar ruxsatnomalar ko‘rsatishini majburiy etib belgiladi.

Yangi choralar 9 avgustdan kuchga kiradi.

Shu bilan birga, konstitutsion kengash koronavirus yuqtirganlarning majburiy izolyatsiya qilinishi to‘g‘risidagi modda qabul qilinishini rad etdi.

Bundan tashqari, Fransiyadagi kompaniyalarga emlanishni istamagan xodimlar bilan mehnat shartnomasini bekor qilish taqiqlandi.