Xorazmda ukasining o‘rniga testga kirishga uringan soxta abituriyent ushlandi

Xorazm viloyatida oliy ta'lim muassasalariga kirish uchun o‘tkazilayotgan test sinovlari jarayonida bir necha qoidabuzarliklar aniqlangan.

Jumladan, 5 avgust kuni Urganch shahridagi «Xorazm» sport majmuasida o‘tkazilgan test sinoviga qo‘shko‘pirlik, 1992 yilda tug‘ilgan, D.I. o‘rniga uning opasi, 1990 yilda tug‘ilgan S.I. kirishga uringanida nazorat o‘tkazish punktida xizmat olib borayotgan IIO xodimlari tomonidan to‘xtatilgan.

Shuningdek, 6 avgust kuni o‘tkazilgan test sinoviga kalkulyatorni yashirin tarzda olib kirishga uringan, qashqadaryolik, 1995 yilda tug‘ilgan M.Q. va uyali telefon vositasini olib kirishga uringan, urganchlik, 2003 yilda tug‘ilgan S.A. fosh etilgan. Xiva tumanida yashovchi, 2002 yilda tug‘ilgan G.A. esa bevosita imtihon jarayonida uyali telefondan foydalanayotgani aniqlangan.  

Barcha qoidabuzarlik tegishli tartibda rasmiylashtirilib, abituriyentlar test sinovlaridan chetlashtirilgan.