Xitoyda Rossiya bilan hamkorlikdagi harbiy mashg‘ulotlar boshlandi

Ma'lumot berilishicha, harbiy mashg‘ulotlarda 13 mingga yaqin harbiy xizmatchi va 500ga yaqin texnika jalb qilinadi.

Xitoyning Ninsya-Xuey avtonom rayonidagi “Tsintunsya” poligonida Xitoy-Rossiya hamkorligidagi "Sibu/Hamkorlik-2021" operativ-strategik o‘quv mashg‘ulotlari boshlandi.

Xabar qilinishicha, Rossiya Su-30SM qiruvchi samolyotlari bilan ishtirok etadigan mashg‘ulotlar 13 avgustgacha davom etadi.

"Rossiya va XXR harbiylari razvedka olib borish, shartli dushmanni topish va shartli dushmanning yerdagi obektlariga desant tashlash hamda egallash mashg‘ulotlarini o‘tkazadi", - deyiladi Rossiya mudofaa vazirligi xabarida.

Sharqiy harbiy okrugning ma'lumot berishicha, harbiy mashg‘ulotlarda 13 mingga yaqin harbiy xizmatchi va 500ga yaqin texnika jalb qilinadi.

Rossiya tomonidan operativ-taktik aviatsiya otryadi harbiylari, Baykalorti o‘lkasidagi motoo‘qchi birlikning shaxsiy tarkibi qatnashadi. Xitoy tomonidan piyoda qo‘shinlar va harbiy-havo kuchlari ishtirok etadi.