Shanhaydagi davlat banki bo‘limi sobiq direktori pora olgani uchun bir umrga qamaldi

U pora evaziga kredit ajratish va qurilish pudratlarini olib berish bilan shug‘ullangan.

Shanhaydagi Savdo-sanoat banki bo‘limi sobiq direktori Gu Gomin 136 mln yuan (21 mln dollar) miqdorida pora olgani uchun bir umrga ozodlikdan mahrum etildi. Bu haqda “Penpay” axborot portali xabar berdi.

Gu Gomin 2002 yildan 2019 yilgacha Savdo-sanoat bankida turli mas'ul lavozimlarda ishlagan. Ma'lumot berilishicha, u pora evaziga kredit ajratish va qurilish pudratlarini olib berish bilan shug‘ullangan.

Xitoyda korrupsiyaga qarshi kurash 2012 yildan kuchaydi. Oxirgi yillarda korrupsiyaga qarshi kurash kampaniyasi doirasida ko‘plab amaldorlar panjara ortiga jo‘natildi.