AQShda sentyabrda koronavirusga qarshi ommaviy revaksinatsiya boshlanadi

AQShda sentyabrda koronavirusga qarshi revaksinatsiya - vaksinaning uchinchi dozasi bilan emlash boshlanadi. Bu haqda AQSh Sog‘liqni saqlash vazirligi ma'lum qildi.

Prezident Jo Bayden ma'muriyati rejasiga ko‘ra, revaksinatsiya 20 sentyabrda boshlanadi. Vaksinaning uchinchi dozasi bilan dastlab tibbiy xodimlar, keksa yoshlilar va ikki doza bilan qolganlardan ertaroq emlangan aholi guruhlari emlanadi.

Sog‘liqni saqlash vazirligida ta'kidlanishicha, uchinchi dozani kiritish zarurati odamlarda dastlabki emlashdan keyin immunitet sekin-asta kuchsizlangani hamda delta-shtamm tarqalishi bilan bog‘langan. 

Pfizer/BioNTech va Moderna vaksinasining ikkinchi dozasini olganiga 8 oydan oshgan kishilar uchinchi doza bilan emlanishi mumkin. Hukumat Johnson & Johnson’ kompaniyasining bir dozali vaksinasini olganlar bilan ushbu vaziyatda qanday yo‘l tutish zarurligi masalasini o‘rganib chiqadi. Hozircha ushbu vaksina bilan emlanganlar revaksinatsiya qilinmaydi.

Bir qator davlatlar, jumladan Isroil, Fransiya, Germaniya, Britaniya ham revaksinatsiya o‘tkazmoqchi.

Biroq JSST hozircha revaksinatsiyani o‘tkazmaslikka va buning o‘rniga vaksinalar aholisi vaksinaning birinchi dozasini ham ololmagan nochor davlatlarga yo‘naltirishga chaqirgan.