YeI “Tolibon”ni tan olmasligini ma'lum qildi

Yevroittifoq “Tolibon” harakati bilan texnik muloqot olib bormoqda, ammo siyosiy muzokaralar olib bormayapti va uni tan olmoqchi emas. Bu haqda Yevrokomissiya raisi Ursula fon der Lyayyen ma'lum qildi.

“Yevroittifoq “Tolibon” bilan operativ muloqot olib bormoqda, bu odamlarni qutqarish uchun zarur. Ammo hech qanday siyosiy muzokaralar yoki tan olish haqida gap bormayapti”, – dedi u.

15 avgust kuni “Tolibon” harakati Afg‘onistonda hokimiyatni egalladi. Prezident Ashraf G‘ani mamlakatni tark etdi.

“Tolibon” Turkiya va Xitoy bilan hamkorlik qilish niyatida ekanligini bildirdi.