30 avgustdan Toshkent metrosining barcha yo‘nalishlari soat 05:00 dan 00:00 gacha ishlaydi

Qayd etilishicha, O‘zbekiston mustaqilligining 30 yillik bayramini nishonlashga tayyorgarlik ko‘rish munosabati bilan, joriy yilning 30 avgustidan boshlab poyezdlar qatnovi bo‘yicha yangi jadval joriy etiladi. 

Bunda:

• “Chilonzor” va “Sergeli” yo‘nalishlarida ertalabki soat 07:30 dan 09:00 gacha poyezdlar oralig‘i 3 daqiqani tashkil etadi va kechki soat 16:30 dan 19:00 gacha 4 daqiqa oralig‘i bilan harakatlanadi;
• “O‘zbekiston” yo‘nalishida ertalabki soat 07:30 dan 09:00 gacha poyezdlar oralig‘i 4 daqiqani tashkil etadi va kechki soat 16:30 dan 19:00 gacha 5 daqiqa oralig‘i bilan harakatlanadi;
• “Yunusobod” yo‘nalishida ertalab soat 07:30 dan 09:00 gacha 6 daqiqa oralig‘i bilan harakatlanadi va 16:30 dan 19:30 gacha poyezdlar qatnovi har 7-daqiqada tashkil etiladi.

Shuningdek, joriy yilning 30 avgustidan boshlab Toshkent metropolitenining barcha liniyalari soat 05:00 dan 00:00 gacha ishlaydi. Bugungi kunga qadar, Yunusobod” va Halqa yerusti yo‘nalishlari soat 06:00 dan 23:00 gacha ishlagan.