Braziliyada jinoyatchilar garovga olingan odamlardan tirik qalqon sifatida foydalandi

Milliy telekanallardan birining jurnalisti Yuriy Makrining ta'kidlashicha, o‘g‘riliklar vaqtida uch kishi, jumladan bir jinoyatchi halok bo‘lgan. 20 kishidan iborat jinoiy to‘da banklarga hujum qilish vaqtida politsiya e'tiborini chalg‘itish maqsadida shaharning turli qismlarida avtomobillarni portlatgan.

Jinoyatchilar politsiya tomonidan o‘qqa tutilishdan qochish maqsadida garovga olgan odamlarni avtomobillar tomi va kapotlariga bog‘lab qo‘yishgan.

“Politsiya jinoyatchilarga hujum qilolmaydi, chunki o‘rtada juda ko‘p odamlar hayoti turibdi”, deb aytgan Arasatuba meri Dilador Borges.

Ta'kidlanishicha, shaharda portlashlar xavfi saqlanib qolyapti, fuqarolardan o‘z uylaridan chiqmaslik so‘ralgan va maktablarda darslar bekor qilingan.

Politsiya jinoyatchilarni ta'qib qilish vaqtida ulardan uch nafarini tutishga muvaffaq bo‘lgan. Qolgan jinoyatchilar esa yashiringan.

Avtomobillarga bog‘lab qo‘yilgan odamlarning taqdiri haqida hozircha hech narsa ma'lum emas.