14:50 / 02.09.2021
43651
Лавров Панжшердаги вазият туфайли толибларга мурожаат билан чиқди

Аввалроқ «Ал-Жазира» телеканали толиблар Панжшер вилоятига ҳужум бошлашга қарор қилгани ҳақида хабар берганди.

Фото: РИА Новости

Москва «Толибон» ҳаракати Панжшер вилоятида жанговар ҳаракатларни бошлашдан воз кечиши ва Афғонистондаги бошқа кучлар билан мулоқот бошлашига умид қилмоқда. Россия ташқи ишлар вазири Сергей Лавров ана шундай мурожаат билан чиқди.

У низолашаётган томонлар ўртасидаги музокаралар муваффақиятли якунланишига умид билдирди.

«Музокаралар музокаравий ечим топади ва жанговар ҳаракатлар бошланиши ҳақидаги таҳдидлар амалга оширилмайди деб умид қиламан», — деди Лавров.

Аввалроқ «Ал-Жазира» телеканали толиблар Панжшер вилоятига ҳужум бошлашга қарор қилгани ҳақида хабар берганди.

«Толибон» ҳаракати вакили Амир Хон Муттақийнинг сўзларига кўра, толиблар ва Панжшер вилоятидаги қаршилик кучлари ўртасидаги музокаралар муваффақиятсиз якунланган.

Мавзу
АҚШнинг Афғонистондан кетиши
АҚШ Афғонистонда 20 йил давом этган ҳарбий кампаниясини тамомламоқда. Толиблар эса мамлакат ҳудудларини бирин-кетин эгаллаб олмоқда.
Барчаси
Top