19:35 / 04.09.2021
34735
Кимлар толиблар сафига қабул қилинмаслиги айтилди

Маълумот берилишича, собиқ ҳарбийлар, полициячилар, ИШИД гуруҳининг собиқ аъзолари ва соқол қўймаганлар толиблар сафига қабул қилинмайди. 

Фото: AP Photo / Rahmat Gul

«Толибон» шарқий ҳарбий комиссияси ҳаракат сафига кимлар қабул қилинмаслиги бўйича қарорини эълон қилди, деб хабар берди РИА Новости Нангарҳор губернатори саройи баёнотига таяниб.

Хабарда айтилишича, собиқ ҳарбийлар, полициячилар ва ИШИД гуруҳининг собиқ аъзолари толиблар сафига қабул қилинмайди. 

Шунингдек, соқол қўймаганлар ҳам толиб бўлолмайди, дейилади хабарда.

Бундан ташқари, айтилишича, уларга қуёш нуридан ҳимоя қилувчи кўзойнак тақиш ва юзларини беркитиш тақиқланади.

Аввалроқ «Толибон» раҳбари ўринбосари мулла Муҳаммад Яқуб вилоятлар губернаторлари ва полиция раҳбарларига ҳавога тартибсиз ўқ узишни тўхтатиш бўйича қатъий топшириқ бергани хабар қилинганди.

Мавзу
АҚШнинг Афғонистондан кетиши
АҚШ Афғонистонда 20 йил давом этган ҳарбий кампаниясини тамомламоқда. Толиблар эса мамлакат ҳудудларини бирин-кетин эгаллаб олмоқда.
Барчаси
Top