07:57 / 11.09.2021
9822
Наманганда юк автомобиллари иштирокидаги ЙТҲда бир киши вафот этди

Жорий йилнинг 10 сентябрь куни соат 04:30ларда, Наманган вилояти, Поп тумани ҳудудидан ўтган А-373 "Тошкент-Ўш" автомобиль йўлининг 250-километрида йўл-транспорт ҳодисаси содир бўлди.

ЙҲХББ хабарига кўра, ҳайдовчи, 1979 йилда туғилган Ж.А. "Isuzu" русумли юк автомобилида ҳаракатланаётган вақтда транспорт воситасининг тормози ишламай қолган ва ўзидан олдинда бўлган ҳайдовчи, 1978 йилда туғилган Қ.У. бошқарувидаги "Isuzu" русумли юк автомобилининг орқа томонига урилган ва қарама-қарши оқимни ажратиб турувчи тўсиққа урилиб ағдарилган.

Натижада, ҳайдовчи Ж.А. олган тан жароҳатлари билан шифохонада вафот этган. 

Мазкур ЙТҲ юзасидан Поп тумани ИИБ ҳузуридаги ТБ томонидан дастлабки терговолди суриштирув ҳаракатлари олиб борилмоқда. 

Top