16:17 / 17.09.2021
10094
Путин Афғонистоннинг вақтинчалик ҳукумати билан ҳамкорлик қилиш кераклигини айтди

Путиннинг сўзларига кўра, толиблар ҳукуматини тан олиш масаласида ўзаро келишувга эришиш лозим.

Фото: РИА Новости

Россия президенти Владимир Путин Афғонистоннинг толиблар томонидан шакллантирилган вақтинчалик ҳукумати билан бирга ишлаш кераклигини айтди.

«Толиблар ҳаракати мамлакатнинг тўлақонли эгасига айланиб, Афғонистон келажаги учун масъул бўлган ўз ҳукуматини шакллантирди. Толиблар айтганидек, бу вақтинчалик ҳукумат ва уни ваколатли ёки инклюзив деб атаб бўлмайди, чунки унда бошқа этник гуруҳлар вакилларини кўрмаяпмиз. Аммо албатта, улар билан ишлаш керак», — деди Путин ШҲТ ва КХШТ давлатларига аъзо мамлакатлар раҳбарларининг қўшма мажлисида қилган чиқишида.

«Тан олишга келсак, бошқаларнинг фикрига қўшиламан, бу масалада ўз позициямизни келишиб олишимиз керак», — дея қўшимча қилди Путин.

Аввалроқ Хитой етакчиси Си Цзинпин халқаро ҳамжамиятни Афғонистонни қўллаб-қувватлашга чақирганди.

Top