Ma'lumot berilishicha, Panama chegaralariga Kolumbiyadan yana 30 mingga yaqin noqonuniy migrantlar yo‘l olgan.
85 mingdan ortiq haitilik migrantlar AQShning janubiy chegarasi tomon yo‘l oldi, deb ma'lum qildi Panama tashqi ishlar vaziri Erika Muynes.
Uning so‘zlariga ko‘ra, yil boshidan buyon noqonuniy migrantlar AQSh chegarasiga Panama hududi orqali o‘tmoqda.
«Panama bu muammoni yolg‘iz o‘zi hal qila olmaydi. Biz bu masalada barcha manfaatdor tomonlar bilan muloqotda bo‘ldik», — dedi Muynes Axios portaliga bergan intervyusida.
Uning ma'lumot berishicha, mamlakat chegaralariga Kolumbiyadan yana 30 mingga yaqin noqonuniy migrantlar yo‘l olgan. Muynes ular ham AQShga o‘tish niyatida ekanligini aytdi.
So‘nggi oylarda AQSh va Meksika chegarasidan 30 mingga yaqin haitilik migrantlar o‘tgan. Ularning ko‘pchiligi ortiga qaytarilgan.
