Rossiyada koronavirus pandemiyasi boshlanganidan buyon sutkalik o‘limlar soni bo‘yicha rekord qayd etildi

Rossiyada oxirgi sutkada koronavirusdan 895ta o‘lim holati qayd etildi. Bu haqda koronavirusga qarshi kurashish bo‘yicha tezkor shtab xabar qildi.

Jami o‘limlar soni 211 ming 696taga yetdi.

Seshanba kuni ertalab qayd etilgan o‘limlar soni epidemiya boshlanganidan buyon eng yuqori ko‘rsatkich hisoblanadi. Avvalgi rekord yakshanba kuni qayd etilgandi – 890ta o‘lim.

Mamlakatda kunlik kasallik yuqtirishlar soni 25 ming 110tani tashkil etdi. Bugunga qadar koronavirus yuqtirish holatlari soni 7,63 milliondan oshdi.

Avvalroq Rossiyada koronavirus pandemiyasi sababli barcha ommaviy tadbirlar bekor qilingandi.