09:45 / 28.10.2021
11677
Ўзбекистонга Хитойдан қарийб 500та электромобил олиб келинди

9 ойда 558та электромобил импорт қилинди, электромобил импорти қарийб 7 бараварга ошди. Бу ҳақда Давлат статистика қўмитаси хабар бермоқда.

Фото: EPA

Қўмита маълумотларига кўра, 2021 йилнинг январ-сентябр ойларида Ўзбекистонга 9та хорижий давлатдан қиймати 10,5 млн АҚШ долларига тенг бўлган 558та электромобил импорт қилинган.

Электромобиль импорти ўтган йилнинг мос даври билан солиштирилганда 476тага ёки қарийб 7 бараварга ошган.

2021 йилнинг 9 ойида Ўзбекистон асосан қуйидаги давлатлардан электромобилларни импорт қилган:

  • Хитой – 499та;
  • Туркия – 24та;
  • Литва – 13та; 
  • Германия – 8та;
  • АҚШ – 6та;
  • Корея – 5та;
  • Испания – 1та;
  • Россия – 1та;
  • Ҳонгконг – 1та.

2021 йилнинг сентябрь ойида Ўзбекистон хориждан 57та электромобил импорт қилган.

Шу билан бирга, Ўзбекистонда сентябрь ойидаги электромобиллар хариди учун 1,3 млн АҚШ доллари сарфланган.

Top