Yamanda raketa hujumi oqibatida 30 ga yaqin odam halok bo‘ldi

Yamanda Al-Juba tumanining husiychilar tomonidan raketa bilan o‘qqa tutilishi oqibatida kamida 29 kishi halok bo‘ldi. Bu haqda mamlakat axborot vaziri Muammar al-Iryoniy ma'lum qildi.

Foto: bbc

Uning ta'kidlashicha, masjid va diniy markazga ikkita ballistik raketa bilan zarba berilgan. Halok bo‘lganlar orasida ayollar va bolalar bor.

Yamanda hukumat kuchlari va husiychilar o‘rtasidagi qurolli ixtilof 2014 yildan beri davom etmoqda. Saudiya Arabistoni boshchiligidagi koalitsiya Yaman prezidenti qo‘shinlarini husiychilarga qarshi kurashida qo‘llab-quvvatlab kelmoqda. G‘arbda esa husiychilarni Eron qo‘llab-quvvatlashi aytib kelinadi.