Яманда Ал-Жуба туманининг ҳусийчилар томонидан ракета билан ўққа тутилиши оқибатида камида 29 киши ҳалок бўлди. Бу ҳақда мамлакат ахборот вазири Муаммар ал-Ирёний маълум қилди.
Фото: bbc
Унинг таъкидлашича, масжид ва диний марказга иккита баллистик ракета билан зарба берилган. Ҳалок бўлганлар орасида аёллар ва болалар бор.
Яманда ҳукумат кучлари ва ҳусийчилар ўртасидаги қуролли ихтилоф 2014 йилдан бери давом этмоқда. Саудия Арабистони бошчилигидаги коалиция Яман президенти қўшинларини ҳусийчиларга қарши курашида қўллаб-қувватлаб келмоқда. Ғарбда эса ҳусийчиларни Эрон қўллаб-қувватлаши айтиб келинади.
