Xovos tumanida pensiya va nafaqa oluvchilar soni ma'lum qilindi

Sirdaryo viloyatining Xovos tumanida pensiya va nafaqa oluvchilar soni 10 ming nafardan ortiqni tashkil etadi. Bu haqda budjetdan tashqari Pensiya jamg‘armasi Xovos tumani bo‘limi Kun.uz’ga ma'lum qildi.

Foto: KUN.UZ

Xovos tumanida pensiya va nafaqa oluvchilarning umumiy soni 2021 yil 31 oktabr holatiga ko‘ra 10 ming 419 nafarni tashkil etdi. Shundan:

7 ming 252 nafari (69,6 foizi)ni yoshga doir pensiya (43,73 foizi ayollar);
2 ming 386 nafari (22,9 foizi)ni nogironlik pensiyasi (11,84 foizi ayollar);
781 nafari (7,5 foizi)ni boquvchisini yo‘qotganlik pensiyasini oluvchi oilalar;
2021 yilning yanvar–oktabr oylarida Xovos tumanida 927 nafar fuqaroga pensiya va nafaqa tayinlangan.

Shundan 564 nafariga yoshga doir pensiya, 98 nafariga nogiron shaxs sifatida pensiya, 63 ta oilaga boquvchisini yo‘qotganlik pensiyasi va 202 nafariga nafaqa tayinlangan.

Tayyorlagan: Kun.uz Admin

#Sirdaryo viloyati #pensiya