Niderlandiyada shifoxonalar to‘lib ketgani sababli kovid-bemorlar Germaniyaga yuborilmoqda

Mamlakatdagi ko‘plab shifoxonalar onkologiya va yurak-qon tomir kasalliklari bemorlari uchun joylarni qisqartirmoqda va koronavirusdan davolashga moslashtirilmoqda.

Foto: Pierre Crom/Getty Images

Niderlandiyadagi shifoxonalarda koronavirus bemorlari uchun joy yetishmayapti va COVID-19ga chalinganlar davolanish uchun Germaniyaga yuborilmoqda, deb yozadi The Guardian.

Seshanba kuni dastlabki bemorlar Rotterdamdan Bohum shahriga yuborildi.

Qayd etilishicha, Niderlandiyada shifoxonalarning to‘lish ko‘rsatkichi may oyidan buyon eng yuqori darajaga yetgan.

OAVning ma'lumot berishicha, Niderlandiyadagi ko‘plab shifoxonalar onkologiya va yurak-qon tomir kasalliklari bemorlari uchun joylarni qisqartirmoqda va koronavirusdan davolashga moslashtirilmoqda.

Oxirgi haftada Niderlandiyada koronavirus yuqtirish holatlari soni o‘smoqda.

O‘tgan sutkada mamlakatda 23 mingdan ortiq kishida infeksiya aniqlangan.