Malida jangarilar avtobusni o‘qqa tutishi natijasida 30dan ortiq inson halok bo‘ldi

Malida jangarilar odamlarni bozorga olib ketayotgan avtobusni o‘qqa tutishi oqibatida 31 kishi halok bo‘ldi, deb xabar berdi Reuters.

Qayd etilishicha, avtobus Songo qishlog‘idan Bandiagara bozoriga ketayotgan vaqtda o‘qqa tutilgan.

Qo‘shni Bankass shahri meri Mulay Guindoning aytishicha, qurollangan shaxslar avtobusga o‘t ochgan, shinalarini kesib tashlagan.

Hujum uyushtirilgan maskan Mopti regioni markazida bo‘lib, bu yerda Al Qoida va IShIDga aloqador guruhlar joylashib olgan.