Turkiyada kuchli bo‘ron sodir bo‘ldi

Antaliyada bo‘ron sodir bo‘lishi oqibatida daraxtlar ag‘darildi, deb xabar bermoqda Haber Türk.

“Tezligi soatiga 123 kilometrga yetgan bo‘ron oqibatida ko‘plab daraxtlar ag‘darildi. Ko‘nyaalti plyajida ulkan to‘lqinlar hosil bo‘ldi, Antaliya aeroportida aviaqatnovlar to‘xtatildi”, – deyiladi xabarda.

Ma'lumotlarga ko‘ra, uylarning tomlari uchib ketgan, ayrim joylarda uylarni suv bosgan.

Mamlakat g‘arbi va janubi-g‘arbidagi provinsiyalarda ham noqulay ob-havo sharoiti kuzatilmoqda.

Turkiya meteorologiya boshqarmasining ma'lumotiga ko‘ra, Antaliya, Mug‘la, Burdur, Isparta, Aydin, Izmir va Balikesirda xavfning sariq darajasi e'lon qilingan.