10:50 / 09.12.2021
11688

Toshkent - Olmaliq yo‘lida 4ta mashina va bir avtobus ishtirokida YTH yuz berdi

Ijtimoiy tarmoqlarda Toshkent viloyatining Yuqori Chirchiq tumanida sodir bo‘lgan yo‘l-transport hodisasi to‘g‘risida ma'lumot tarqaldi. IIV YHXBB holat yuzasidan rasmiy ma'lumot berdi.

Foto: IIV YHXBB Axborot xizmati

Dastlabki axborotga ko‘ra, 2021 yil 9 dekabr kuni soat 07:30larda, Toshkent viloyatining Yuqori Chirchiq tumani hududidan o‘tgan Toshkent - Olmaliq avtomobil yo‘li 36-kilometrida yo‘l-transport hodisasi yuz bergan.

Qayd etilishicha, tumanli ob-havo sharoitida, yo‘lning ko‘rinish masofasi kamligi sababli bir yo‘nalishda oldinma-ketin harakatlanib kelayotgan "Damas", "Nexia", "Spark", "Nexia-3" rusumli avtomobillar hamda "Isuzu" rusumli avtobus ishtirokida to‘qnashuv sodir bo‘lgan.

To‘qnashuv natijasida tan jarohati olgan fuqarolar yo‘q. YTH yuzasidan Yuqori Chirchiq tumani IIB YHXB xodimlari tomonidan hodisa joyida surishtiruv olib borilib, tegishli hujjatlar rasmiylashtirilmoqda.

Top