Ta'kidlanishicha, «omikron» shtammi aniqlangan 43 kishining 34 nafari koronavirusga qarshi to‘liq emlangan. Ularning 14 nafari vaksinaning buster dozasini ham olishga ulgurgan.
AQSh kasalliklarni nazorat va profilaktika qilish markazining (CDC) bildirishicha, mamlakatda koronavirusning «omikron» shtammini yuqtirganlarning ko‘pchiligi to‘liq emlanganlardir. Bu haqda Reuters xabar bermoqda.
Ta'kidlanishicha, «omikron» shtammi aniqlangan 43 kishining 34 nafari koronavirusga qarshi to‘liq emlangan. Ularning 14 nafari vaksinaning buster dozasini ham olishga ulgurgan.
Markaz hisobotida qayd etilishicha, kasallanganlarning ko‘pchiligida yo‘tal, burun bitishi va charchoq kabi yengil simptomlar kuzatilgan.
Bir nafar bemor ikki kunga shifoxonaga yotqizilgan. Sanoqli bemorlarda esa ko‘ngil aynishi, qusish, nafas qisishi, diareya, hid yoki ta'm bilishning yo‘qolishi kuzatilgan.