2021 yil 11 dekabr kuni taxminan soat 06:00da Chilonzor tumani Furqat va Beshyog‘och ko‘chalari kesishmasida o‘lim bilan yakun topgan yo‘l-transport hodisasi yuz berdi.
Foto: IIBB axborot xizmati
Toshkent shahar IIBB xabariga ko‘ra, «Lasetti» avtomobilini ishonchnoma asosida boshqargan, 1990 yilda tug‘ilgan Sh.P. boshqaruvni yo‘qotib, yorituvchi ustunning beton asosiga to‘qnashgan. YTH sabablariga aniqlik kiritilmoqda.
YTH oqibatida haydovchi jarohatlar tufayli voqea joyida hayotdan ko‘z yumgan.
Mazkur fakt bo‘yicha Toshkent shahar IIBB xodimlari tomonidan Jinoyat kodeksining 266-moddasi 2-qismi bo‘yicha jinoyat ishi qo‘zg‘atilgan. Tergov davom etayotgani aytiladi.
