2021 йил 11 декабрь куни тахминан соат 06:00да Чилонзор тумани Фурқат ва Бешёғоч кўчалари кесишмасида ўлим билан якун топган йўл-транспорт ҳодисаси юз берди.
Фото: ИИББ ахборот хизмати
Тошкент шаҳар ИИББ хабарига кўра, «Ласетти» автомобилини ишончнома асосида бошқарган, 1990 йилда туғилган Ш.П. бошқарувни йўқотиб, ёритувчи устуннинг бетон асосига тўқнашган. ЙТҲ сабабларига аниқлик киритилмоқда.
ЙТҲ оқибатида ҳайдовчи жароҳатлар туфайли воқеа жойида ҳаётдан кўз юмган.
Мазкур факт бўйича Тошкент шаҳар ИИББ ходимлари томонидан Жиноят кодексининг 266-моддаси 2-қисми бўйича жиноят иши қўзғатилган. Тергов давом этаётгани айтилади.
