14:40 / 21.12.2021
2038
АҚШда “омикрон” штамми билан боғлиқ дастлабки ўлим қайд этилди

АҚШ касалликларни назорат ва профилактика қилиш марказининг билдиришича, мамлакатдаги COVID-19 билан боғлиқ ҳолатларнинг 73,2 фоизи “омикрон” штаммига тўғри келмоқда.

Фото: AP

АҚШда “омикрон”штамми билан боғлиқ илк ўлим ҳолати қайд этилди. Бу ҳақда Техас штати соғлиқни сақлаш органларига таяниб ABC телеканали хабар бермоқда.

Қайд этилишича, бу АҚШда “омикрон” штаммини юқтириш оқибатида юз берган биринчи ўлимдир.

Телеканал маълумотига кўра, вафот этган шахс 50 ёшлардаги эркак бўлиб, унинг коронавирусдан ташқари, соғлиғи билан боғлиқ бошқа муаммолари бўлган. 

АҚШ касалликларни назорат ва профилактика қилиш марказининг билдиришича, мамлакатдаги COVID-19 билан боғлиқ ҳолатларнинг 73,2 фоизи “омикрон” штаммига тўғри келмоқда. Бир ҳафта аввал бу кўрсаткич 12,6 фоизни ташкил этаётганди.

Top