Fransiyada bir sutkada 208 ming kishida koronavirus aniqlandi

Fransiya sog‘liqni saqlash vaziri Olive Veran mamlakatda o‘tgan sutkada 208 ming kishida koronavirus aniqlanganini ma’lum qildi. Bu haqda Le Figaro gazetasi xabar bermoqda.

“Omikron” to‘g‘risida “to‘lqin” so‘zini ishlatmagan bo‘lardim, buni “bo‘ron” va hatto “sunami” deyish mumkin”, — dedi vazir.

Veranning ma’lumot berishicha, 10 foizga yaqin fransuzlar koronavirusga musbat test topshirganlar bilan muloqotda bo‘lgan.

Shuningdek, shifoxonaga yotqizilganlarning 70 foizini emlanmaganlar tashkil etadi.