Fransiyada yangi yilga o‘tar kechasi 870dan ortiq avtomobilga o‘t qo‘yildi

Qayd etilishicha, bu avvalgi yillardagiga nisbatan kamroqni tashkil etadi, masalan, 2019 yilda 1,3 mingdan ortiq mashina noma’lum shaxslar tomonidan yoqib yuborilgan.

Foto: LP/Virginie Weber

Fransiyada yangi yilga o‘tar kechasi bir necha yuz avtomobilga o‘t qo‘yildi. Bu haqda BFM TV telekanali mamlakat ichki ishlar vaziri Jyerald Darmanenga tayanib xabar berdi.

Vazirning so‘zlariga ko‘ra, 31 dekabrdan 1 yanvarga o‘tar kechasi 874ta avtomobilga o‘t qo‘yilgan.

Qayd etilishicha, bu avvalgi yillardagiga nisbatan kamroqni tashkil etadi, masalan, 2019 yilda 1,3 mingdan ortiq mashina noma’lum shaxslar tomonidan yoqib yuborilgan.

Darmanen shuningdek, o‘tgan tunda mamlakat bo‘yicha 440 kishi ushlangani, ularning 380 nafarga yaqini hibsga olinganini aytdi.