10:06 / 14.01.2022
587
Жиззахда машина уриб юборган 37 ёшли аёл ҳалок бўлди

Жиззахда содир бўлган йўл-транспорт ҳодисасида 37 ёшли аёл ҳалок бўлган. Бу ҳақда вилоят ИИБ ахборот хизмати хабар бермоқда.

Маълум қилинишича, 2022 йил 11 январ куни соат 15:40 ларда Мирзачўл тумани “Ғалаба” МФЙда яшовчи фуқаро Cobalt машинаси билан йўлни кесиб ўтаётган пиёдани уриб юборган.

Оқибатда “Ғалаба” МФЙда яшовчи 1984 йилда туғилган аёл оғир тан жароҳатлари олиб воқеа жойида вафот этган.

Қайд этилишича, ҳолат юзасидан жиноят иши қўзғатилган. Ҳозирда суриштирув ҳаракатлари олиб борилмоқда.

Top