Turkmaniston O‘zbekiston bilan o‘tgan yilning oktyabr oyida Toshkentda imzolangan turkman-o‘zbek chegara zonasini tashkil etish va tovar ayirboshlash hajmini oshirish bo‘yicha kelishuvni ratifikatsiya qildi. Tegishli farmonni Turkmaniston prezidenti Gurbanguli Berdimuhamedov imzoladi, deya xabar bermoqda «Turkmenistan segodnya».
Turkmaniston-O‘zbekiston chegarasidagi savdo zonasini tashkil etish va faoliyatini tartibga solish to‘g‘risidagi bitim ikki davlat prezidentlarining 2021 yil oktyabr oyida Toshkentda bo‘lib o‘tgan muzokaralari yakunlari bo‘yicha imzolangan edi.
Hujjat qo‘shni davlatlarning chegaradosh hududlari – Lebap va Buxoro viloyatlari, shuningdek, Toshhovuz va Xorazm viloyatlari o‘rtasidagi o‘zaro hamkorlikni sezilarli darajada kengaytirishga qaratilgan.
Oxirgi 4 yil ichida ikki davlat o‘rtasidagi tovar ayirboshlash hajmi 5 barobar oshdi, 2021 yilda esa 65 foizga oshib, qariyb 880 million dollarni tashkil etdi.
